தமிழகம்

1.தமிழகத்தில் கட்டுமானப் பணிகளுக்குத் தேவையான மணல் உபயோகிப்பாளர்களுக்கு எளிதில் கிடைத்திட ஏதுவாக ‘தமிழ்நாடு மணல் இணைய சேவை’ http://www.tnsand.in இணையதளத்தையும், tnsand என்ற
செல்லிடப்பேசி செயலியையும் தமிழக முதல்வர் தொடங்கி வைத்துள்ளார்.


இந்தியா

1.54வது மிஸ் பெமினா இந்தியா ( 2017) போட்டியில் ஹரியானாவைச் சேர்ந்த மனுஷி சாலார் பட்டம் வென்றுள்ளார்.ஜம்மு & காஷ்மீரை சேர்ந்த சனா துவா 2வது இடமும், பீகாரின் பிரியங்கா குமாரி 3வது இடத்தையும் பிடித்துள்ளனர்.மிஸ் ஆக்டிவ் கிரீடம் விருது வினைல் பட்நாகர் பெற்றுள்ளார்.உடல் அழகிய சிறப்பு விருது வெமிகா நித்தி பெற்றுள்ளார்.


உலகம்

1.கூகுள் நிறுவனம், தனது தேடல் வசதி மூலம் (search engine) கிடைக்கும் தேடல் முடிவுகளில், தனது சந்தை ஒப்பிட்டுச் சேவையை முன்னிலைப்படுத்தியதாக அதன் மீது 2.42 பில்லியன் யூரோ அபராதத்தை, ஐரோப்பிய ஆணையம் விதித்துள்ளது.
2.அமெரிக்காவின் பயோகார்பன் இஞ்சினியரிங் நிறுவனத்தைச் சேர்ந்த சூசன் கிரஹாம் தலைமையிலான ஆராய்ச்சியாளர்கள் ஆண்டுக்கு 100 கோடி மரங்களை நடும் ஆளில்லா விமானத்தை உருவாகியுள்ளனர்.


விளையாட்டு

1.லோதா கமிட்டியின் பரிந்துரைகளை ஆராய BCCI சார்பில் , ராஜிவ் சுக்லா (IPL தலைவர்) தலைமையில் குழு அமைக்கப்பட்டுள்ளது.
2.வெனிஸ் நகரில் நடைபெற்ற பெண்களுக்கான உலக கட்டழகி பட்டத்தை, இந்தியாவின் பூமிகா சர்மா வென்றுள்ளார்.உலக கட்டழகி போட்டியில் வெற்றிபெற்ற முதல் இந்தியப் பெண் என்ற பெருமையை, பூமிகா சர்மா அடைந்துள்ளார்.


இன்றைய தினம்

1.1843 – மதராஸ் வங்கி ஆரம்பிக்கப்பட்டது.
2.1874 – முதலாவது வர்த்தகரீதியிலான தட்டச்சுக் கருவி விற்பனைக்கு வந்தது.
3.1890 – கனடாவும் பெர்முடாவும் தந்திச் சேவையில் இணைந்தன.
4.1921 – சீனப் பொதுவுடமைக் கட்சி ஆரம்பிக்கப்பட்டது.
5.1931 – யுனைடெட் ஏர்லைன்ஸ் போயிங் ஏர் டிரான்ஸ்போர்ட் என்ற பெயரில் சேவையை ஆரம்பித்தது.
6.1932 – ஆஸ்திரேலிய ஒலிபரப்புக் கூட்டுத்தாபனம் ஆரம்பிக்கப்பட்டது.
7.1947 – இந்தியாவுக்கு முழு விடுதலையை ஆகஸ்ட் 15 ஆம் நாளன்று வழங்க பிரித்தானிய நாடாளுமன்றம் முடிவெடுத்தது.

 

– தென்னகம்.காம் செய்தி குழு